Ita
Berg
EngRepertòre
I bài e i cansù che ol gruppo l'pórta in giro in di sò spetàcoi, i vé de la tradissiù popolàr bergamasca, issé come i sò cöstöm.
I cansù i è quase sèmper mimade. Dóma quando i vé cantade col coro, i è propunide stèss di rapresentassiù teatrài. L'acompagnamènt müsicàl l'è facc co' la fisarmònica, ol tamburèl e di strömèncc a percüssiù. O spetàcol a l'comprènd anche di momèncc cülturài do i vé leside poesie dialetài, spiegàcc i zöch e i mestér d'öna ólta e töt chèl che 'l fà part di nòste tradissiú.
I sfilade invéce, i è animade di pass di vège balade e de laùr tradissiùnai, ch'i vegnia dovràcc tép indré di pastùr e di montagnér. O spetàcol, a l'se 'nvìa e l'fenéss sèmper, co' la cansù in unùr de l'Arlechì e de la nòsta Sità de Bèrghem.
I bài proponìcc i è: quadriglie, walser , mazurche e polcke con di coreografie alégre e balàcc a còpie. Anche i balade che i è mimade, i riciàma i pòscc, i mestér e i momèncc ch'i compagnàa la éta de la zét di valade e de montagna.
I compléta o spetàcol, momèncc de animassiù, co' la zét.
Video promossionàl 2011
Oter video söl
nóster canál
Tra i cansù del repertòre:
Carolina
(G. Zanoni)
Cansù,che la pàrla de öna bèla scèta che, egnida de la Val Serina per laurà, l'è circondada di méla atensiù de töcc i zuenòcc del Paìs.
Partida a la mura
(A. Nicoli - G. Zanoni)
Vègia cansù figürada, dedicada al zöch proibìt de la " Mura" che l'tegnìa ocüpàcc i òmegn a l'ostaréa.
Arda Bèrghem
(Anonimo)
Cansù popolàr, dedicada a la Sità de Bèrghem e a la sò Provincia che, per i bergamàsch l'è la piö bèla del mónd.
Teresina gh'ó l'ombrèla
(A. Nocoli - G. Zanoni)
Cansù e balada figürada, söi nòte de öna cansù popolàr, che la pàrla de öna còpia de inemoràcc.
Maslana
(Anonimo)
Sunada popolàr dedicada ai Baite de Maslana, frassiù de la Val Bondiù.
Nòter de Bèrghem
(Anonimo)
Filastròca popolàr che la 'nsègna ol nòm di laùr bergamàch
Cansù de l'Arlechì
(T. Oprandi - C. Fumagalli Guariglia)
Cansù in bergamàsch che la cönta sö la éta e la stòria de l'Arlechì
Inno di Arlecchino
(M. Vailati - E. Ceribelli)
Sigla del gruppo: Marcèta che la regórda Bèrghem e l'Arlecchì
Cansù de la polènta
(M. Vailati - L. Peruta)
Balada e cansù dialetàl che la pàrla del nòst piàt tradissiunàl bergamàsch. La buna polènta, che sö la tàola bergamàsca la manca mai.
Balada del Paciana
(L. Ravasio - C. Fumagalli Guariglia)
Balada e cansù dialetàl che la cönta sö la stòria del Paci Paciana famùs brigàt de la Val Brembana.
