CöstömI cöstöm di dòne i è come chèi che s'vüsàa in del vossènto in Val Seriana, specialmènt in del Paìs de Par. La stòfa l'è de cutù con d'öna fantaséa de culùr diferèncc. Ü pedàgn largh, öna camisèta bianca ricamada col péss , ü gilé ligàt di bande con di nàster culuràcc e ü scossalì l'è chèl ch'i mèt sö quando i se esebéss in di sò spetàcoi. In di cheèi, i gh'à sèmper di fiùr de cap e adóma in di ocasiù speciài come i funsiù religiuse, söl có i mèt sö öna spécie de scöfièta che la se ciàma "panèt". Adóma d'invèrno sura i spàle i se mèt ü sciàl culuràt. Söi pé i pórta di sàcoi de lègn e söl bràss i gh'à ü caàgnöl de pàia. |
![]() ![]() ![]() |
![]() ![]() |
La divisa di òmegn invéce, l'è chèla di pastùr bergamàsch, coi culùr ch'i riciàma la maschéra del Giopì. Ol cöstöm a l'comprènd: braghe a la zuàva, gilé e giàca facc co la stòfa de pan, camìsa bianca e fassöl culuràt al còl, calsetù a righe bianche e rósse, capèl söl có. Ü bastù, ön'ombrèla culurada, insèma a öna mantèla, ciamada "tabàr", che s'la dóvra d'invèrno la compléta l'opera. |
Töcc i cöstöm i è pò adatàcc in di particolàr, in manéra de rènd la sömeànsa a la maschéra bergamàsca de l'Arlechì che l'è ol modèl che lur i völ unurà.
![]() ![]() ![]() |
![]() ![]() ![]() |